O fascismo o l’aiva fæto do Balilla un scimbolo seu, fiña à dâ o seu nomme à l’organizzaçion di zoveni do regimme. Ma o figgeu de Portöia o l’ea de tutti. Inte unna poexia de l’ottobre do 1941, «A-o Balilla», o Doardo Firpo o conta – pe bocca de un amigo – unna scena de ciassa Pammaton: gente ammuggiæ che rian cianin davanti a-o monumento, donde l’ea stæto tòsto levou un cartello anònimo. O dixeiva, in zeneise, che o veo Balilla o l’ea tornou, e che a statua a poeiva chinâ da-o pedestallo.
Inta Zena in guæra, doe righe in zeneise bastavan à imbösâ a retòrica do regimme.
