Zena, i 5 de dexembre do 1746: a çittæ a l’é occupâ da-i austriachi; un mortâ o l’arresta acciantou inta bratta inte unna stradda de Portöia e i sordatti veuan che i zeneixi ghe daggan unna man à sponciâlo. Tra e gente un figgeu o tia unna pria e – comme conta a tradiçion – o cria in zeneise: «Che l’inse?», da-o verbo insâ, comensâ.
Inte çinque giorni de sollevo i zeneixi mandan via i occupatoî. O figgeu o vegnià «Balilla», conteiso da tutte e retòriche, da-a Renascion a-o fascismo; ma a zimma a l’é stæta unna frase zeneise de doe poule.
