«A Repubrica a l’avvarda con de nòrme appòxite e minoranse linguistiche»: coscì o promette l’articolo 6 da Constituçion. A nòrma appòxita a l’é arrivâ do 1999: a lezze 482 a reconosce dozze lengue, da-o furlan a-o sardo, da l’occitan a-o griko. O zeneise e i parlæ liguri no gh’en. Ninte reconoscimento, ninte avvardo: offiçialmente, in Italia, o zeneise o no l’existe.
Ma unna lengua a no nasce pe decreto, e a no scenta pe omiscion. O zeneise o se parla tutti i giorni: inte ciasse e in sciâ ræ, a-o tiatro e in famiggia, inte cansoin e inti libbri. O se scrive, o se canta, o se mostra – sensa beseugno de permisso.
