Inti menù de San Francisco o cioppin – unna suppa de pescio, tomate e vin – a l’é unn’instituçion. O nomme o l’é zeneise. Ma a seu stöia a l’é un romanso oçeanico: o sciòrte feua in Califòrnia za do 1908, primma ancon che inti diçionäi zeneixi (Frixon, 1910); into Río de la Plata gh’é o seu binello chupín; e a poula a sciòrte feua fiña à Gibertâ e in Perù – donde i liguri se son fermæ.
Poula d’anæta ò de retorno? I studioxi ne parlan ancon. De seguo, o cioppin o conta un tòcco de l’emigraçion ligure.
