A Liguria a l’à tanti monumenti. Un, però, o no se vedde: o l’é fæto de poule, construto da generaçioin, unna voxe pe vòtta. A l’é a lengua ligure, patrimònio commun de Zena, de Rivee e de l’Entrotæra. O zeneise o l’é da secoli a varietæ de prestigio e de riferimento.
Ma sto monumento o no l’é restou fermo. Nasciuo inte unna tæra streita tra i monti e o mâ, o l’à viægiou pe di secoli, da unna riva à l’atra do Mediterraneo e dapeu a-o de là da l’oçeano. O l’à portou a Liguria into mondo e o mondo in Liguria. Ciaschedun incontro o gh’à lasciou un segno.
Sto museo o l’arrecheugge sti segni, unna stöia pe vòtta. Fanni un gio: l’intrâ a l’é de badda.
